نەیمار كەمپی هەڵبژاردەی بەرازیلی جێهێشت

نەیمار دا سیلڤا ئەستێرەی یانەی سانتۆس بەهۆی پێكانەوە لە كەمپی هەڵبژاردەی بەرازیل كشایەوەو ناتوانێت بەشداری دوو یاریی وڵاتەكەی بكات لە پاڵاوتنی مۆندیال.

نەیمار دوای زیاتر لە 16 مانگ  لە دابڕان بەهۆی پێكانەوە جارێكیتر بانگێشتی ریزەكانی سامبا كرایەوە, بەڵام لە راهێنانەكانی تیپەكەیدا تووشی پێكانێك بوو بوو لە ماسلوكەی رانیدا و بەهۆیەوە ناتوانێت بەشداری یارییەكانی بەرازیل بكات.

نەیماری تەمەن 33 ساڵ لە بارەی كشانەوەی لە كەمپی سامبا ئەوەی روون كردووەتەوە كە دوای راوێژكردنی بە پزیشكەكانی هەڵبژاردەی بەرازیل ئەم بڕیارەیانداو نەیان ویستووە مەترسی زیاتری لەسەر دروست بێت تا بە باشترین شێوە بگەڕێتەوە.

لە شوێنی نەیمار, دۆریڤاڵ جۆنیۆری راهێنەری بەرازیل بانگێشتی ئێندریكی هێرشبەری یانەی ریاڵ مەدریدی كردووە.

هەڵبژاردەی بەرازیل رۆژی 20ی ئەم مانگە لە پاڵاوتنی مۆندیال میوانداری هەڵبژاردەی كۆڵۆمبیا دەكات و دوای شەش رۆژ لەو یارییە لە دەرەوەی یاریگای خۆی كلاسیكۆ ئەمریكای لاتین بەرامبەر ئەرژەنتین ئەنجام دەدات.