لە ئێن بی ئەی كلیپەرز بە جیاوازی یەك خاڵ لە كینگزی بردەوە

لە یارییەكانی خولی باسكەی ئەمریكا, یانەی لۆس ئەنجلێس كلیپەرز لە ناو یاریگای خۆی سەركەوتنێكی قورسی بەرامبەر یانەی ساكرامینتۆ كینگز بەدەستهێنا.

بە درێژایی هەر چوار چارەكی یارییەكە ئاستی هەردوو تیپ لەیەكەوە نزیك بوو هەرجارەو لایەكیان پێشەنگی دەگرتە دەست, تا لە كۆتاییدا بە ئەنجامی 97 خاڵ یەكسانبوون.

بەوەش یارییەكە چووە كاتی زیادكراوەو تیایدا ركابەری نێوان هەردوو تیپ هەربەردەوام بوو, بەڵام لە كۆتایدا كلیپەر بە جیاوازی تەنیا یەك خاڵ و بە ئەنجامی 111 بەرامبەر بە 110 خاڵ سەركەوتنی نووسییەوە.

بەم ئەنجامە كلیپەرز كە تا ئێستا 39 سەركەوتنی هەیە, لە ناوچەی گەیشتن بە قۆناغی پلەی ئۆف دەمێنێتەوەو لە پلەی هەشتەمی ناوچەی رۆژئاوای ئێن بی ئەییان گرتووەو و یەك پلە لە پێش ساكرامینتۆ كینگزی ركابەری راستەوخۆیانن.