بەتۆمەتی رەگەزپەرستی و هێرشکردنەسەر داوەران سزادراوە
یەكێتی تۆپی پێی توركیا سزایەكی توندی بەسەر مۆرینهۆدا سەپاند
2/28/2025
10
یەكێتی تۆپی پێی توركیا بە تۆمەتی رەگەز پەرستی بە شێوەیەكی رەسمی سزای چوار یاریی سڕكردنی بەسەر جۆزێ مۆرینهۆی راهێنەری یانەی فەنەربەهچەدا سەپاند .
مۆرینهۆ دوای یاریی لوتكەی خولی توركی بەرامبەر یانەی گالاتەسەرای لە لێدوانێكیدا وتی كە یاریزانانی ئەو یانەیە لەسەر كورسی یەدەك لەگەڵ هەموو تۆپێكی وەكو مەیمون بازیان داوە ,
ئەمەش كاردانەوەی گەورەی بەدوای خۆیدا هێناو یانەی گالاتەسەرای سكاڵای دژی راهێنەرە پۆرتوگالییەكە تۆمار كرد ,
هەرچەندە بەشێكی زۆری ئەستێرە رەش پێستەكان پشتیوانی جۆزێ مۆرینهۆیان كرد و رایانگەیاند كە ئەو راهێنەرە هەرگیز رەگەز پەرست نەبوە لە نێوانیان دیدی درۆگبا و جۆن ئۆبی میكێل ,
بەڵام ئەمە نەبووە هۆی رزگار كردنی لە سزاكان و جگە لەوەی بۆ ماوەی چوار یاریی سڕ دەكرێت , هاوكات بەبڕی 35 هەزار پاوەنیش غەرامە كراوە .
جگە لەمەش , بەهۆی هێرشكردن سەر داوەرن و چوونە نێو ژووری جل گۆڕینیان , مۆرینهۆ بۆ دوو یاری سزادراوەو بە بڕی 2500 پاوەنیش غەرامە كراوە .
